Wisata

Hata Sigabe-gabe laho Manise bonani hasuhuton bolon

Hata si gabe –gabe Versi Jujung Sitorus:

Jumolo ma tadok mauliate godang Tu adopanni amanta martua Debata,disiala denggan ni basana dohot asini rohana ,namangaromoti hita on saluhutna .

Holan na gabe mahita attong holan na horas tuppahon ni amanta martua Debata.Dohonon dope sigabe-gabe dohot si horas-horas di alamanta namarsangap namartua on.

Ia nunga manukkun harajaan Panise tu Bona ni hasuhuton,manukkun indahan na las dohot mual sitio-tio dohot loppan nataboi , mangalusi bonani hasuhuton sian jolo rumah,”PANGGABEAN PARHORASAN NINNA NASIDA”.

Ia malodo raja panise di patakkas di padua hali,sitakkas ni nauli,sidongan ni nadenggan,marpaboa bonani hasuhuton sian jolo Rumah,ia diari-ari naung salpu …namatuama tutu natua-tuai di jabu,ima naung manjalo tohonan ,marpahoppu sian anak,boru,sahat tu namarnini sahat tu namar nono.

Ima tutu molo matua sada natua-tua paboan ma tu donganna natua-tua,ima roha ni hasuhuton,jala mangido tangiang dohot pasu-pasu marhite akka Raja ,tu amanta martua Debata.

Nang pangidoan attong Tu amanta martua Debata,asa lam ditambai akka pasu-pasuna tu gomparanni natua-tua on,asa dapot songon nidok ni Umpasa:

“ Balga tiang ni Rumah,umbalgaan ma attong tiang ni Sopo,nunga gabe natua-tua i ,sai unggabe ma hamu akka na umposo”.

“Tinaba hau sampinur, di tombak ni simarhora-hora

Sai lam matorop ma hamu maribur, lam marsangap jala mamora”.

Urat ni nangkat ma tu urat ni hotang;

Ia tudia pe hamu mangalakka ,basai disima hamu dapotan pansamotan.

Dolok ni Parsingkaman ,haroroan ni aek sibulan;

Ba sai dapot ma dihamu na jinalahan , sai jumpang naniluluan.

Sahat –sahat ni solu sai sahat ma tu bontean;

Nunga sahat ta ulahon adat nagok adat parnatua-tua on,sai sahat ma hita luhut tu panggabean.

Standar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s